Фудбалската федерација на Македонија (ФФМ) соопшти дека од УЕФА побарала најостра казна за австрискиот репрезентативец Марко Арнаутовиќ, кој на терен по постигнат гол на натпреварот против Македонија, упати навреди кон македонскиот репрезентативец Езѓан Алиоски.
“Фудбалската федерација на Македонија најостро го осудува националистичкиот испад на австрискиот репрезентативец Марко Арнаутовиќ, после постигнатиот гол на натпреварот со Македонија упатени кон македонскиот репрезентативец Езѓан Алиоски.
Истовремено ве информираме дека поднесовме официјален допис до УЕФА во кој бараме најстрога казна за австрискиот репрезентативец Марко Арнаутовиќ.
ПОВРЗАНИ ВЕСТИ
Како “Куќа на фудбалот” секогаш сме против национализам, дискриминација и сите други форми на навреди и испади, кои не се во духот на фудбалот и вредностите за кои сите заедно се залагаме.
Секогаш ќе застанеме и ќе ги браниме интересите и достоинството на македонските репрезентативци каде и да настапуваат“, информираа од ФФМ.
Фото: ФФМ/Фејсбук