Премиерот Димитар Ковачевски ја пречека неговата финска колешка Сана Марин, која е во еднодневна работна посета на Македонија.
Како што информира владината прес-служба, согласно агендата Ковачевски и Марин ќе имаат тет-а-тет средба.
– Двајцата премиери потоа ќе им се придружат на делегациите на двете Влади на билатерална средба на која од наша страна ќе присуствуваат Бојан Маричиќ, заменик-претседателот на Владата за европски прашања, Бујар Османи, министер за надворешни работи и министерката за одбрана Славјанка Петровска, се вели во соопштението.
Премиерите Ковачевски и Марин работниот дел од средбата ќе го завршат со заедничка прес-конференција.
Фото: Влада
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.