Комисијата за заштита на конкуренцијата информира дека примила известување за концентрација со која Поли рецуцлинг АГ Швајцарија стекнува директна контрола над друштвото за трговија, производство и услуги Гринтех мк со седиште во скопски Карпош, преку стекнување на 70% удел во основната главнина.
Поли Рецуцлинг АГ (Poly Recycling AG) работи во дејностите на преработка на отпад (рециклирање на отпад и не е присутна на македонскиот пазар.
Гринтех исто така работи во дејностите на собирање и третман на отпад.
Предложената трансакција се однесува на пазарот на собирање и третман на отпадна пластична амбалажа.
-Врз основа на прелиминарното испитување Комисијата утврди дека предметната концентрација може да потпадне под одредбите на Законот за заштита на конкуренцијата. Сепак конечната одлука по ова прашање е резервирана, велат од Комисијата.