Вечерва во Битола се дига завесата на 40 то јубилејно издание на ИФФК „Браќа Манаки“, а ќе го отвори најновиот филм на култниот шпански режисер, Педро Алмодовар, „Болка и Слава“, кој премиерно беше прикажан на Канскиот фестивал.
„Во пресрет на 40-тото јубилејно издание на меѓународниот фестивал на филмска камера Браќа Манаки, заедно со сопругата Елизабета Ѓоргиевска имавме пријатна средба на Широк сокак со реномираниот американски кинематограф, Едвард Лакман и неговото семејство.
Му честитам за наградата „Златна камера 300“ за животно дело. Лакман импресионира со својата енергија, а со децении е во врвот на американските и светските кинематографи со над 80 снимени филмови досега“, соопшти претседателот Стево Пендаровски на неговиот фејсбук-профил.
фото: Фејсбук/Пендаровски