еМагазин
Image default
Балкан ТОП СТОРИИ

(Видео) Детали од страшната несреќа пред граница: Почина и четвртиот патник во автомобилот, 49 српски туристи повредени

Бројот на загинати во сообраќајната несреќа што рано утрово се случи во северниот дел на Грција, во близина на границата со Македонија се зголеми на четворица, откако на повредите им подлегна и четвртиот патник од автомобилот што се судри со автобусот од Србија, додека пак повредени се 49 српски туристи, според информациите на дописничката на МИА од Атина.

До несреќата, според информациите на МИА, веројатно дошло при директен судир на двокатниот автобус од Ниш што патувал кон Ставрос во Грција со патнички автомобил што се движел во спротивна насока.

Од ударот автобусот со околу 80 српски туристи излетал од патот, тројца од четворицата патници во автомобилот загинале, додека пак подоцна и четвртиот, кој бил пренесен во болница им подлегнал на повредите. Веројатно станува збор за грчки државјани.

По директниот судир налетало и второ возило со српски регистарски таблици кое удрило во првиот автомобил. Во него биле мајка и дете, кои не се повредени.

Од туристичкиот автобус, 49 патници се пренесени во три болници.

По сообраќајната несреќа што се случи кусо пред 7 часот утрово, автопатот од границата со Македонија е затворен за сообраќај и во двата правци, а возилата се пренасочуваа кон стариот пат.

ПОВРЗАНИ ВЕСТИ

Најмалку тројца загинати во судир на автобус од Србија и две возила во близина на границата со Македонија

МИА/Видео: ЕРТ

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Од утре студено и ветровито време, на повисоките места и снег

Редакција

Тројца повредени во масовната тепачка во затворот во Идризово

Редакција

Важно ако одите или пристигате: Кои држави спаѓаат во високоризични и средноризични за корона вирусот

Редакција

📢 Важно известување

Оваа веб-страница претставува архива (стар сајт) и повеќе не се ажурира.
За најнови информации и содржини, посетете ја нашата нова официјална страница:


👉 Посети ја новата страница