Министерот за здравство Венко Филипче вчера беше во посета на Битола, каде што, за првпат после 70 години се реализираше комплетна обнова на внатрешните простории во Здравствениот дом „Хаим Абраванел“ во Битола.
Овој проект опфаќа комплетна обнова на внатрешните простории, ходниците, работните простории, педијатриската служба, вакциналните пунктови, превентивната служба, превентивната стоматологија и делот кадешто се чуваат вакцините од редовниот календар.
Во пауза од средбата со директорката Весна Спиркоска, целокупниот медицински персонал и градоначалничката на Општина Битола Наташа Петровска, Филипче се придружи на играта со топка на дете кое го сретна пред хотел „Капри“.
„Брза партија фудбал, секогаш е добра идеја“, напиша Филипче на неговиот Фејсбук-профил.
Фото: Фејсбук/Филипче