Mинистерот за здравство во оставка Венко Филипче му подари слика на премиерот во заминување Зоран Заев, како благодарност за поддршката што ја добивал здравствениот систем во времето кога тој бил премиер.
„Дозволете од името на сите присутни, а верувам и од името на сите здравствени работници да ви врачам еден подарок за долго сеќавање и да се заблагодарам на поддршката која ја дававте на здравствениот систем, на сите здравствени работници.
Да се заблагодарам за тоа што не кажавте „не“ за потребата и барањето за која било инвестиција во здравството и да се заблагодарам за тоа што успеавме со ваша помош и тоа е исклучиво ваша заслуга, здравствените работници од потценети и исмевани, да ги направиме повторно горди и почитувани луѓе во нашето општество,“ рече Филипче врачувајќи му ја сликата на Заев на денешната церемонија во Националната опера и балет, на доделување на благодарници за здравствените работници од Ковид-19 центрите.
Фото: Фејсбук/Филипче