Гори Гоцева шума кај Неготино, на терен интервенираат неготинските пожарникари, а помош има и од пожарникарите од Кавадарци, потврди за МИА, неготинскиот градоначалник Горан Стојанов.
Градоначалникот изјави дека е на лице место, но засега не може да се каже кои се причините за пожарот.
Тој појасни дека изгорел дел од зимзелената шума, а пожарникарите се обидуваат да го локализираат пожарот.
Центарот за управување со кризи објави дека на местото испратен е авион на Дирекцијата за заштита и спасување (ДЗС), кој што се очекува во секој момент да полета кон боровата шума.
Доколку состојбата со пожарот се влошува, ќе полетаат и двата хеликоптери на МВР.
МИА/Фото: МИА/ДЗС
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.