И претседателот на Украина, Володимир Зеленски беше на неформалната вечера во Атина, која синоќа ја организираше грчкиот премиер Киријакос Мицотакис, а на која присуствуваа лидерите на Западен Балкан и високи преставници на Европската Унија.
Македонија беше преставена од премиерот Димитар Ковачевски, а на вечерата беа и српскиот претседател Александар Вучиќ, косовскиот премиер Албин Курти, претседателката на Европската комисија, Урсула фон дер Лајен, претседателот на Европскиот совет, Шарл Мишел…
-Неформалната вечера во Атина беше можност да размениме мислења за натамошниот тек на евроинтегративниот процес на земјите од Западен Балкан, што е од стратешка важност за Европската Унија.
Како што стои и во Солунската декларација од пред две децении: „Европа ќе биде навистина обединета само откако сите земји во регионот ќе станат нејзин интегрален дел“.
Дадовме силна поддршка и солидарност до украинскиот народ во нивната борба за враќање на слободата, напиша на Фејсбук Ковачевски.
Фото: Влада