Благодетниот оган од Ерусалим стигна во Бигорски манастир со чартер авион кој полета во Атина.
Благодарност до МНР, Бигорски манастир, М-НАВ, АЦВ и ТАВ Аеродроми за успешниот лет, соопшти Luxury Aviation & Maritime Services Ltd. Skopje на својот Фејсбук профил.
Според информациите на МИА, најголемиот дел од трошоците за летот ги покрил Горан Трипуноски од Кичево.
Преземањето на светиот оган од Ерусалим се случува секоја година на Велика Сабота и повеќето православни држави, како на пример, Грција, Русија, Украина, Бугарија, Грузија, Романија и други, го прават со владини почести.
Во нашата земја светиот оган прв пат пристигна на Велигден во 2009 година, во организација на игуменот на Бигорскиот манастир, архимандрит Партениј, а тогаш преку пријатели од Грчката Црква беше преземен од Солун.
Фото: Бигорски манастир