Од нуркачкиот центар „Акватек“ изминативе месеци објавија бројни фотографии на кои се гледа што се е фрлано во Охридското езеро. Најновата фотографија од дното на езерото е со ќеса со лушпи од печени пиперки.
„Ги печиш пиперките, пота ги лупиш, лушпите ги ставаш во најлонче, земаш кајчето и најлончето со лушпите од печените пиперки ги фрлаш во езеро и се враќаш на мезење со прекрасен поглед кон Охридското Езеро,“ пишуваат „Акватек“ на нивниот фејсбук-профил.
До сега од Охридското езеро беа извадени цела санитарија од купатило, гуми, па недостасуваа уште и лушпите од пиперки.
фото: Фејсбук-профил на Акватек
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.