Нашиот интернационален модел Татјана Јанушева продолжува со успешните кампањи од нејзиниот последен престој во Милано, информираат од матичната агенција Моделс Ин Менаџмент.
„Неодамна излегоа фотографиите за модниот магазин Collector. Токму за ова престижно модно списание, Јанушева ги претстави новите колекции на модните гиганти како Prada, Gucci, Sportmax и Alexander McQueen стилизирани од тамошниот тим.
Нашата Татјана, неодамна направи сериозен пробив во светскиот моделинг со последната кампања за брендот Miss Sixty.
Кариерата на интернационален моделинг ја започна во соработка со JS’ Management од Белград, под водство на фантастичната Јелена Ивановиќ.
Тоа беше сосема очекувано, бидејќи нејзината убавина и совршените пропорции едноставно се вклопуваа во модните побарувања за интернационални модели,“ велат од Моделс Ин Менаџмент.
Јанушева, се подготвува за новата сезона во Милано, каде што има договор со една од најдобрите светски модни агенции – NEXT Model Management.
