Стотици млади, на возраст од 16 до 20 години, собрани во групи и од по десетина, синоќа можеа да се забележат во Градскиот парк во Скопје, пишува „Мета“.
Најголем број од нив се без маски на лицата, слушаат музика и се забавуваат седнати на сепарињата кај фонтаната „Лотос“ и по околните тревници.
Реки од луѓе кои се излезени на прошетка вечерва може да се видат насекаде по патеките во паркот.
Она што паѓа в очи е тоа што ретко кој од нив има лична заштита опрема и ретко кој внимава на потребната дистанца, иако тоа се главните мерки за заштита од ширење на Ковид-19, за кои речиси секој ден здравствените власти во земјава апелираат да се почитуваат.
Полиција или инспекција во Градски парк која би требало да казнува за непочитување на мерките, нема.
Фотографиите може да се видат ОВДЕ.
Мета/Фото: Град Скопје