Врз основа на одлуката на Одборот на доверители стечајниот управник на „Треска Мебел“ АД во стечај Скопје објави оглас за продажба на атрактивен имот на стечајниот должник по пат на електронска продажба со јавно наддавање што ќе се одржи на 19. април без утврдена почетна цена.
Се врши прва продажба на недвижен имот на градежни објекти во комплекс на фабриката „Треска Мебел“АД во стечај Скопје кои се наоѓаат на ул. Теодосиј Гологанов бр 130 Скопје Центар со вкупна површина од 32.614 квадрати и проценета вредност од 84.594.050 денари.
Продажбата се врши во целост за сите катастарски парцели. Градежното земјиште не е предмет на продажба.
Минималниот износ за наддавање е 2.500.000 денари.
„Заинтересираните домашни и странски правни и физички лица за купување на наведениот имот се најавуваат преку системот на Е- стечај при Централен регистар на РМ, до стечајниот управник Радосав Кипровски на Е-услуги стечајни постапки e-submit.crm.mk/e-Auktion, дека имаат намера да учествуваат на објавената електронска продажба“, пишува во објавата.