Градоначалникот на Солун, Јанис Бутарис, многу добро познат и на македонската јавност, повторно е во фокусот на грчките медиуми, откако непознати лица напишале „предавник“ на вратата од неговиот стан, пренесува дописникот на еМагазин од Солун.
Пред извесен период тој беше нападнат во центарот на Солун и се здоби со полесни повреди, а неколку лица беа уапсени за инцидентот.
Како што објави грчката новинска агенција AMNA, лицата успеале да ја отворат главната врата на зградата каде што живее Бутарис и со црвен спреј напишале „предавник“ на вратата од неговиот стан.
Агенцијата пишува дека Бутарис ќе поднесе кривична пријава против непознати лица.
Фото: AMNA/Влада на РМ
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.