Претсетдателот Стево Пендаровски информираше дека со вработените во кабинетот, сопругата Елизабета Ѓоргиева и волонтери се приклучиле на граѓанската иницијатива „Ретвитни оброк“ и подготвиле посни оброци пред Велигденските празници.
„Празниците се повод да ја поттикнеме хуманоста, добрината и солидарноста во секој од нас.
Во пресрет на Велигденските празници, овој петок заедно со волонтерите од „Ретвитни оброк“ и вработените во Kабинетот подготвивме посни оброци.
Благодарност до „Тинекс“, Пекабеско и до сите што досега се вклучија во граѓанската иницијатива „Ретвитни оброк“ и со своите донации покажаа општествена одговорност и хуманост на дело,“ напиша Пендаровски на Фејсбук.
Фото: Фејсбук/Пендаровски
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.