Фото-камерите на Националниот парк „Галичица“ уште еднаш снимија примерок на балкански рис во атарот на паркот.
Последните три години ова е осми пат поставените фото-замки да снимат рис во паркот.
Според најавите од Националниот парк, во периодот што следува ќе бидат поставени дополнителни камери, за да се утврди бројноста на балканскиот рис и другите покрупни животни во паркот.
Истовремено се наведува дека ќе бидат засилени и мерките за заштита на живеалиштата на балканскиот рис и оние за спречување на криволов во Националниот парк.
Балканскиот рис по педесеттина години во 2020 беше првпат забележан во Националниот парк „Галичица“.
Поттикнати од појавата на рисот, Јавната установа Национален парк „Галичица“ во сороаботка со „МЕД/MES“ изминатите две години спроведоа мониторинг за утврдување на бројноста на срната и на дивата коза во паркот, како животински видови што се омилена храна на балканскиот рис.
МИА/Фото: НП Галичица/МЕД