Училиште во Малатија, Турција, ќе го носи името „Македонија“, а училниците ќе бидат именувани по македонски градови: Скопје, Тетово, Охрид, Штип, Куманово…
Како што информираа од Стопанска Комора на Македонија-Турција (МАТТО), училиштето ќе почне со работа на 11 септември, и има 24 училници.
Истото се протега на површина 8.656 метри квадратни.
Училиштето е изградено со донацијата од еден милион евра, во која учествуваа членките на МАТТО, а со поголема сума учествуваше Црвениот Крст на Македонија, како и со подршка на Сојузот на турски невладини организации во земјава (МАТУСИТЕБ), здружението ЕСНАФ, општини, образовни институции, здруженија и фондации и хумани граѓани на Македонија, по серијата силни земјотреси во Турција
– Ова е чекор кој придонесува за развојот на образованието на децата кои останаа без своите училишта. Ова е чекор со кој на новите генерации ќе им се даде уште еден светол пример за хуманоста, заедништвото и пријателството меѓу двата народи, истакнуваат од МАТТО.
Фото: МАТТО