Лекари од Клиниките за анестезија, реанимација и интензивна нега – КАРИЛ, Урологија, Нефрологија и Институтот за трансфузиологија, уште еднаш изведоа успешна кадаверична трансплатација на бубрези, објави министерот за здравство Венко Филипче на неговиот фејсбук-профил.
„По пауза од речиси три години, оваа е втора трансплантација на бубрези од починат донор и тоа во рок од два месеци, што е голем успех за тимот лекари кои работат на вакви зафати.
Пациентите кои ги добија бубрезите се чувствуваат добро и сѐ уште се наоѓаат на одделението за интензивна нега на КАРИЛ. На пациентите им ги честитам Бадник и Божик и им посакувам што побрзо да закрепнат за да бидат со своето семејство“, напиша Филипче.
фото: Фејсбук/Филипче
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.