Во „Макстил“ во Скопје денеска беше уништена 10 тони дрога, најголемо количество запленета дрога досега, која на црниот пазар би достигнала вкупна вредност од 26 милиони евра, информираа од МВР.
Уништени се 10 тони различни видови наркотични дроги, одземени до август 2022 година, по основ на правосилни судски одлуки донесени по завршени кривични постапки, како и врз основа на судски решениja за нивно ништење.
Станува збор за уништени повеќе од 8,2 тона марихуана, потоа околу 100 кг хероин, хашиш, кокаин, над 1.000 растенија, семки од канабис, како и 1,2 милиони парчиња психотропни супстанци.
Уништувањето на дрогата е реализирано со соработка на Министерството за внатрешни работи, Државната комисија за уништување на наркотични дроги, психотропни супстанци и прекурсори и Агенцијата за управување со недвижен имот.
Фото/видео: МВР
Важно известување
Посети ја новата страница