Семејството Здравески од Прилеп, именденот на нивниот син Михаил го прославија на еден крајно хуман и благороден начин. На Св. Архангел Михаил, денот кога многу семејства слават слави и имендени, тие донирале овошје и вода за пациентите и персоналот на прилепската болница.
„ Мислев дека луѓе и фирми донираат обична вода, храна и овошје, но ете за жал не било така. Ова нека биде поттик да се поправиме сите како луѓе за да не се срамиме самите себе си пред состојбава и идните генерации. Јас и моето семејство не застануваме овде.
Веќе се поттикнати фирми и поединци и сепак ќе покажеме да бидеме едни обични луѓе со душа и срце. Државата е наша и мора ние да се грижиме за неа и за самите нас,“ напиша Крешимир Здравески на неговиот фејсбук-профил.
Поради спречување на ширење на Ковид-19 препорака е да не се слават претстојните слави и имендени, па оттука семејството Здравески дадоа одлична идеја, каде може да се донира храна.
Фото: Фејсбук/Здравески