Иако сме навикнати да ги гледаме странските топ модели да рекламираат врвни брендови и нивните линии, тука може да се пофалиме и со нашата единствена Елена Реи која успешно работи во светот и една од малкуте македонки кои работат со светските брендови.
Покрај соработката со Diane Von Furstenberg – DVF, e-comm каталози за Lou & Grey, Donna Karran – DKNY, Елена имаше две насловни за модниот магазин Vulcanize и застана заштитно лице на козметичката куќа La Mer.
Откако минатата година напорно работеше во Токио и Њујорк, пред извесно време отпатува за Азија каде ќе престојува до летото.
Нејзиното модно портфолио е големо богатство и багаж кој ќе и овозможи понатамошна соработка со најдобрите брендови во светската модна индустрија. Секако нејзиното име останува запишано во поновата македонска модна индустрија.
