Прекрасен ден со многу сонце и пријатно време на отварањето на овогодинешнава сезона во скијачкиот центар на Попова Шапка.
Убавото време, чистиот воздух, но и бесплатното користење на ски-лифтовите денеска донесе бројни посетители на Попова Шапка.
Исто страствените љубители на спортови на снег треба да знаат и дека ланскиот сезонскиот ски-билет ќе важи и оваа скијачка сезона, а останатите билети остануваат со иста цена.
Дневниот билет, кој важи од 9 до 15:30 часот, ќе се продава по цена од 1.000 денари, додека полудневниот билет, кој важи од 12 до 15:30 часот, е 700 денари.
Билетот за ноќно скијање, кој важи од 19 до 22 часот, е 500 денари. За сите билети се наплаќа повратна кауција во висина од 150 денари.
Новина годинава е можноста за туристички разглед со снеготапкач по цена од 6.500 денари од час.