По повод почеток на кампањата „16 дена активизам против родово базирано насилство“, во организација на УНДП, како дел од одбележувањето на Меѓународниот ден за запирање на насилството на жената, Жена-парк беше украсен како бајка.
Министерката за труд и социјална политика Мила Царовска во своето обраќање најави дека до крајот на годината ќе имаме вкупно 10 специјализирани сервиси за жртви од родово базирано насилство, бидејќи приоритет на државата е да се обезбеди заштита и поддршка за секоја жена и девојка.
На настанот освен владините претставници присуствуваа и дипломати, претставници на интернационални организации и жени активистки, претставници од граѓански организации од земјава, медиуми.
Сите активности во рамките на кампањата може да се следат под хаштаг #НемаОправдување.
Фото: УНДП