Под мотото „Правда за уставобранителите“ денеска пред Владата и Собранието се протестираше за поддршка и правда за осудените за насилниот упад во Собранието на 27 април 2017 година.
Беше прочитана Декларација со барање за ослободување на осудените. Обвиненијата за тероризам на осудените за „27 април“, според организаторите на протестот, се политички монтирани. Бараат од Врховниот суд да го поништи судењето, да ги укине пресудите и да има ново судење, бидејќи сметаат дека пресудите се базираат на лажни сведочења.
Протестот е во организција на македонските заедници и организации од дијаспората, а го поддржаа дел од опозициските партии меѓу кои и ВМРО-ДПМНЕ.
Ова е втор протест во организација на македонски заедници и организации од дијаспората за поддршка на осудените за 27 април. Првиот беше на 25-ти, минатиот месец.
МИА/Фото: ВМРО-ДПМНЕ