Во хотелот „Вила парк“ во Струмица, по втор пат се одржа модната ревија „Убави сме, свои сме“ на која што учествуваа деца со попреченост од повеќе градови во Македонија, а придружувани од познати лица од повеќе области.
Децата на модната писта чекореа заедно со градоначалниците на Струмица и Валандово, Коста Јаневски и Перо Костадинов, шефицата на кабинетот на претседателот на Владата, Мирјана Јанева, ќерката на премиерот Зоран Заев, Александра, внуката од брат му Вице, Ева, како и со познати лица од естрадата, спортот, бизнисот и претставници на различни граѓански организации.
На ревијата присуствуваше и сопругата на премиерот, Зорица.
На модната ревија лани учествувале 15, а годинава 30 деца, а вниманието кон оваа категорија на граѓани се зголемува, што е и целта на самата манифестација.
Организаторите најавуваат дека настанот ќе прерасне во традиционален.
Фото: Општина Струмица