Град Скопје на Фејсбук објави фотографии од новогодишната атмосфера. Од нив, може да се забележи дека на истекот на една од најтешките години за нашата држава и воопшто за човештвото поради пандемијата од Ковид-19, сепак има празничен дух и насмевки на лицата на граѓаните.
„Пристигна оној период од годината кога сите нешта околу нас се за нијанса помагични и поубави. Деновите се исполнети со претпразнична радост и еуфорија, вечерите поминати во кругот на најблиските служат да нѐ потсетат што е тоа што е најважно, а улиците на градот блескаат посјајно од кога било.
Затоа, заборавете само на миг на неубавите нешта и дозволете да ве обземе новогодишната среќа и оптимизам дека во Новата година ќе влезете опкружени со оние кои најмногу ви значат.
Ви посакуваме среќни и безбедни празнични денови“, напишаа од Град Скопје.
Фото: Фејсбук/Град Скопје