Во модниот свет постојано се случуваат неверојатни соработки, сведоци сме во последно време дека спортистите се повеќе рекламираат модни брендови и стануваат заштитни лица. Таквиот тренд полека, но сигурно се случи и во нашата земја.
Најуспешниот државен првак во пинг-понг неодамна стана дел од модната агенција „Моделс ИН“.
За Петар Костовски доволно е да се каже дека првиот медал го освојува на 8 години, како и освојувањето на Државно првенство за сениори како најмлад во историјата на македонскиот пинг-понг.
„Заради добрата форма и кондиција како и сите врвни спортисти, Петар многу вложува во себе преку напорни тренинзи и припреми. Би сакале многу повеќе модели да бидат посветени и истрајни како Петар. Кога некој е во одлична форма и притоа супер изгледа нас ни е предизвик да работиме и да постигнеме заеднички успех во моделингот. Во тек се неговите подготовки за светското првенство во Унгарија, Будимпешта, а потоа ќе може да се посвети на модните ангажмани кои му се нудат“, вели модниот агент Алек Наумовски.
