Ги убедија ли Меркел, Курц и Столтенберг граѓаните да излезат на референдум

За само три дена, Македонија, за да дадат подршка за престојниот референдум ја посетија тројца високи преставници на НАТО и Европската унија.

Во Скопје престојуваше германската канцеларка Ангела Меркел, првиот човек на НАТО, Јенс Столтенберг и австрискиот канцелар Себастијан Курц.

И тројцата политичари испратија иста порака, граѓаните да излезат на референдумот и да заокружат „ЗА“, бидејќи од гласањето зависи зачленувањето на Македонија во ЕУ и НАТО.

Јасно посочија дека без прифаќање на договорот со Грција нема НАТО и ЕУ.

Неколкуте анкети кои беа направени изминатиов период покажаа дека голем број македонски граѓани се уште не одлучиле дали и како ќе гласат на референдумот, а истите покажаа проценки за различна излезноста, која би се движела од 40 до 57%.

Дали македонските граѓани ги разбраа пораките на Меркел, Столтенберг и Курц ќе видиме наскоро.

ПОВРЗАНИ ВЕСТИ

Ни Меркел не го предомисли Мицкоски за договорот за името со Грција

Меркел: Вие сами одлучувате за Вашата иднина, не останувајте дома на 30 септември 

(ВИДЕО) Столтенберг: Идејата дека може да ја отфрлите спогодбата со Грција и да се зачлените во НАТО е целосна илузија

(ВИДЕО) Курц: Гласајте „за“ договорот и „за“ европска перспектива на Македонија