Во среда во 10 часот по локално време започнува расправата во грчкиот Парламент за ратификација на Договорот од Преспа, а гласањето ќе биде во четврток вечер, брифираат извори од грчкиот Парламент, јави дописничката на МИА од Атина.
Ова било одлучено на денешниот состанок на претседателот на грчкиот парламент со неговите заменици.
Според истите информации, пленарната седница и во среда и во четврток ќе започне во 10 часот наутро по локално време, а ќе трае во зависност од каталогот на пратеници кои ќе се пријават за збор. Доколку има голем број заинтересирани пратеници за дискусија, би можело да трае и до 2-3 часот наутро.
Денеска во 17 часот по локално време започнува со работа парламентарната Комисија за национална одбрана и надворешни работи која ќе го разгледа нацрт закон според кој се ратификува и стапува во сила Договорот од Преспа.
Доколку има потреба, комисијата ќе одржи седница и утре.
МИА/Фото: Влада
ПОВРЗАНИ ВЕСТИ
Нимиц ја повика Грција да го ратификува Договорот од Преспа
Грција: Поради Договорот од Преспа, „драма“ и во Движењето на промена
Остана со четири пратеници: Поради Договорот од Преспа се распаѓа пратеничката група на Река