Македонскиот репрезентативец Горан Пандев постигна два гола за Џенова во мечот против Наполи и обезбеди победа на неговиот тим со 2:1.
Со двата гола тој дојде до вкупно 97 постигнати голови во првата италијанска фудбалска лига со што стана најефикасниот фудбалер од просторите на поранешна Југославија во Серија А.
Италијанските медиуми го поздравија успехот на Пандев. Тој изјави дека по настапот на Европското првенство, ќе донесе одлука околу неговото пензионирање.
„Пензија? Имав тежок период да се рехабилитирам од последната повреда, но сѐ уште се забавувам и добро сум. Ќе видиме. Моето размислување е да се пензионирам после Европското првенство, но сѐ уште ништо не се знае“, изјави Пандев кој изрази надеж дека ќе дојде до бројката од 100 постигнати голови во Калчото.
Фото: Фудбалска репрезентација на Македонија/Фејсбук