еМагазин
Image default
Бизнис ТОП СТОРИИ

Горивата поскапуваат од 1,5 до два денари

Цената на горивата од ноќеска на полноќ се зголемува за 1,5 до два денари за литар, одлучи денеска Регулаторната комисија за енергетика и водни услуги (РКЕ).

Со одлуката се врши зголемување на малопродажните цени на нафтените деривати во просек за 1,68 отсто.

Малопродажните цени на бензинот „Еуросупер БС-98“, на дизелот и на Екстра лесното масло за домаќинство (ЕЛ-1) се зголемуваат за 1,5, додека малопродажната цена на „Еуросупер БС-95“ се зголемува за два денари за литар.

Па така „Еуросупер БС-95“ ќе се продава за 79 денари за литар, „Еуросупер БС-98“ ќе чини 81, дизелот пак, 81,5, а Екстра лесното масло за домаќинство (ЕЛ-1) 80 денари за литар.

Со одлуката на РКЕ за 0,062 денари за килограм се зголемува и малопродажната цена на Мазутот М-1 НС и ќе изнесува 40,655 денари.

Од РКЕ посочуваат дека референтните цени на нафтените деривати на светскиот пазар во споредба со претходната пресметка бележат зголемување кај бензините во просек за 5,153 отсто, кај дизелот за 2,83, кај екстра лесното масло за 3,424 и кај мазутот за 0,596 отсто. Курсот на денарот во однос на доларот по кој беа формирани цените со претходната пресметка е понизок за 0,334 отсто.

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Владата ги усвои законските измени за минимална плата од 18.000 денари

Редакција

Антикорупциска бара широка јавна расправа за законските измени за Бехтел и Енка и да не се носат по скратена постапка

Редакција

Директорот на „Скопје Север“ не гледа ништо спорно што топланата го користи загадувачот мазут

Редакција

📢 Важно известување

Оваа веб-страница претставува архива (стар сајт) и повеќе не се ажурира.
За најнови информации и содржини, посетете ја нашата нова официјална страница:


👉 Посети ја новата страница