ГД „Гранит“ АД потпиша нови договори со Јавното претпријатие за државни патишта за прокетирање и рехабилитација на три патни правци во вкупна вредност од 641 милиони денари или околу 10,4 милиони евра, информира компанијата преку Македонската берза.
Предмет на првиот договор е проектирање и рехабилитација на Лот 2: Jурумлери-Драчевo, Битола-Демир Хисар; Драчево-Орешани-Таор. Вредноста на договорот е 209.586.360 денари, а рокот на изведување е 8 месеци.
Предмет на вториот договор е проектирање и рехабилитација на Лот 3: Делчево-Звегор, Делчево-Пехчево; Берово-Виница. Вредноста на договорот е 204.311.718 денари, а рокот на изведување е 8 месеци.
Предмет на третиот договор е проектирање и рехабилитација на на Лот 4: Струмица-Ново Село Кавадарци-Росоман; Фурка-Богданци-Гевгелија. Вредноста на договорот е 228.024.140 денари, а рокот на изведување е 12 месеци.
Фото: Министерство за транспорт и врски