Првиот вицепремиер и министер за политички систем и односи со заедниците, Артан Груби вели дека незнаел за бизнисите на внукот на лидерот на неговата партија, Али Ахмети, Дрин Ахмети.
ПОВРЗАНИ ВЕСТИ
Кој е Дрин Ахмети, внукот на Ахмети кој ќе поседува 39% од „Соравиа„
Фирмата на внукот на Ахмети лани имала добивка од околу 60 илјади евра
Груби за телевизијата Сител изјави дека не е тој да гледа дали има нешто спорно во купувањето на ТЦ „Соравиа„, тоа требало да го сторат надлежните институции.
– Има Државна комисија за спречување на корупција, Јавно обвинителство, нека си постапат согласно нивните ингеренции и нека утврдат тоа што е вистинско, а не вака, да има медиумско препукување и употреба за дневна политичка агенда, рече тој.
Одговарајќи на прашањата за наводите кои што беа изнесени во јавноста во врска со бизнисите на Дрин Ахмети, тој одговори дека нема информација и повторно посочи на надлежните институции.
– Немам никаква информација во однос на бизнисите на Дрин, или на кој било друг, затоа што се тоа приватни бизниси, доколку има нешто незаконско, нека си постапат институциите, доколку е сѐ законски и е амбиција на млад амбициозен дечко, би очекувал сите да му се извинат на крај, рече вицепремиерот.
ПОВРЗАНИ ВЕСТИ
Ќе истражи ли семејниот пријател Абази како внукот на Ахмети стекна 39% од “Соравиа“ без пари
Фото: Груби/Фејсбук