Поранешниот премиер и лидер на ВМРО-ДПМНЕ, Никола Груевски, кој избега во Унгарија, каде стана азилант, на Фејсбук демантира дека се „пазарел“ за измените на Кривичниот законик, со кои се намалуваат казните за функционерите, но и се намалува времето за застарување на предмети поврзани со службени лица.
ПОВРЗАНИ ВЕСТИ
-Партиите, директно или преку нивните интернет ботови и нивните приврзоци во медиумите во Македонија во отсуство на конкретни дела, визија, понуда, проекти и решенија за проблемите на народот во Македонија редовно се препукуваат, и на секој два-три месеци им паѓа на памет спиновите да ги насочат кон мене во правец на некакви мои непринципиелни договарања со некого или нешто, заговори и слично, па веќе неколку години периодично се јавува потреба да ги демантирам, исто како што тоа го правам и сега во оваа прилика во која повторно го демантирам истото.
Вакви измени во Законот се говорат во јавноста одамна, околу четири-пет години, и од она што можам да забележам од медиумите има многу заинтересирани страни од различни политички провиниенции за истите да се изгласаат.
Во мојот случај на прогон истите имаат минорно учество.
Јас и повеќе мои соработници сме под прогон за не сторени работи, на тој прогон заднината е страв од конкуренција и желба за политичка елиминација и тоа се нарекува политички прогон. Тој прогон трае и до ден-денес и сеуште трае и расте стравот на многумина од неговото запирање или неуспех.
И имаат причина за страв!, пишува тој.
ПОВРЗАНИ ВЕСТИ
Кои судски предмети застаруваат со измените на Кривичниот законик
Јанушев доби условна осуда за набавката на кинеските автобуси
Фото: Груевски/Фејсбук
