Групата „Ковид-19 Искуства и совети“ креирана од Анета и Антони Пешеви „растура“ на Фејсбук од посетеност. Идејата во основањето на оваа група е со заеднички сили и искуства да се пребориме со вирусот.
„Групата е наменета за размена на искуства на луѓе кои имаат лични искуства во процесот на лекување и рехабилитација на Ковид-19, како и за сите оние кои сакаат да се информираат од прва рака од реалните искуства на тие што поминале низ процесот на лекување и рехабилитација од Ковид-19,“ се вели во објаснувањето за групата.
Но сепак, останува напомената дека секоја информација која ќе се добие таму да се провери со лекар или фармацевт.
Групата за кратко време достигна повеќе од 15.000 членови, а луѓето најчесто споделуваат искуства за симптомите, како ги поднеле, што покрај стандардната терапија препишана од лекари користеле за да си ги олеснат симптомите, какви испитувања направиле, административни процедури за боледувања и слично.
Многу од информациите се важни, за луѓето да не лутаат и да знаат што треба да направат.
Фото: Фејсбук/„Ковид-19 Искуства и совети“