Хјуман рајтс воч (ХРВ) ја повика Украина да ги почитува правата на руските затвореници според Женевската конвенција и да ја прекине практиката на изложување на тие луѓе во јавноста.
„Украинските власти мора да престанат да објавуваат пораки и видеа од заробените руски војници на социјалните мрежи, особено оние кои биле понижувани или загрозени“, се вели во соопштението.
„Ваквиот третман на затворениците ја нарушува заштитата предвидена со Женевските конвенции“ за меѓународното право, според ХРВ.
Украина објави видео снимки од руски затвореници и ги изложи на новинарите пред кои беа принудени да изразат жалење, а ваквото инструментализирање беше осудено од Меѓународниот комитет на Црвениот крст, кој порача дека непријателската војска треба да се третира „достоинствено“.
Организацијата документирала бројни прекршувања на воените прописи и можни воени злосторства за кои одговорност им се припишува на Русите.
ПОВРЗАНИ ВЕСТИ
(Видео) Комедијата „Слуга на народот“ во која Зеленски глуми претседател ќе се емитува на Канал 5
(Видео) „Тепачка“ за шеќер во Русија
МИА/Фото: Украинско министерство за одбрана