Француското Министерство за внатрешни работи соопшти дека изминатата ноќ се уапсени 994 лица, а повредени се 79 полицајци и припадници на жандармеријата. Запалени се околу 1.350 автомобили, а опожарени или оштетени се 234 објекти. Надлежните регистрирале вкупно 2.560 пожари.
Нередите во Франција избувнаа откако тинејџер беше убиен од полицаец во вторникот во предградие на главниот град Париз.
Насилни протести синоќа, четврта ноќ по ред, имаше во Марсеј, Париз, Лион, Тулуз, Стразбур и Лил.
За справување со нередите биле ангажирани околу 45.000 полицајци, неколку оклопни возила и хеликоптери.
МИА
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.