Холандија од 6 септември за македонските граѓани ќе бара тест или сертификат и задолжителен карантин

Холандија од утре ја става Северна Македонија во групата на земји со висок ризик.

Патниците од Северна Македонија кои се целосно вакцинирани од утре ќе можат и понатаму да влезат во Холандија, но ќе треба да го почитуваат и правилото за задолжителниот карантин од десет дена.

Од 6 септември, пак, за патниците од Северна Македонија нема да биде доволен доказот за вакцинација. За влез во Холандија ќе мора да приложат и негативен ПЦР тест, не постар од 48 часа пред поаѓање или брз антиген тест, не постар од 24 часа.

Во оваа група на области од висок ризик спаѓаат и Косово и Црна Гора.

МИА