Беќир Асани, функционерот на ДУИ, кој на јавноста и стана познат по инцидентот со пајакот и полицајката, на својот Фејсбук профил ги повика граѓаните да излезат и да гласат „ЗА“ на престојниот референдум за името.
„На 30 септември 2018 година, граѓаните на Македонија и Албанците како дел од неа ќе имаат само една врата кон која ќе одат. Таа врата е вратата на гласачкото место за гласање за НАТО и за ЕУ.
Апел до сите роднини, пријатели, соборци, сонародници, сограѓани, да излезат што е можно повеќе на избирачките места. Да се изјаснат за европската иднина, за перспектива на младите генерации, за братската политика на Соединетите Американски Држави и државите на Европската унија“, пишува Асани.
Фото: Фејсбук/Асани
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.