Телевизијата Телма објави дека од март сателитскиот канал на Бугарската национална телевизија – БНТ 4, освен преку операторот А1, ќе се реемитува и на „Макс ТВ“ на Македонски телеком, а сателитскиот канал на МРТ ќе се реемитува на бугарските телевизиски оператори.
Според телевизијата се чека и завршување и на процедурата околу документацијата за три привати бугарски телевизии да можат да се реемитуваат во Македонија, а до крајов на февруари истото ќе се направи и со 3 – 4 приватни македонски телевизии за реемитување во Бугарија.
Дополнително според Телма месецов се очекува ректорот на Софискиот универзитет, придружуван од неколку декани, во Скопје да го посети најголемиот државен универзитет во земјава – Св. Кирил и Методиј, но и други универзитети, за да се договара размена на професори, но и на студенти уште од следната учебна година.