И Македонија се приклучи на одлуката на Европската Унија за забрана на прелети на авиони од Белорусија, по инцидентот со принудно слетување на авионот на компанијата „Рајанер“ во Минск на 23 мај.
ПОВРЗАНИ ВЕСТИ
ЕУ во шок: Лукашенко присили авион на Рајанер да слета во Белорусија за да уапси опозициски новинар
Освен Mакедонија, кон оваа одлука се приклучија и Србија, Црна Гора, Албанија, Исланд, Лихтенштајн и Норвешка.
Советот на Европа неодамна донесе одлука за воведување забрана за прелети на воздушниот простор на ЕУ и пристап до аеродромите на ЕУ од белоруски авиопревозници од сите видови.
На белоруските авиокомпании им е забрането да ги користат воздушниот простор и аеродромите на Европската Унија од 5 јуни. Официјалната одлука на Советот на Европската Унија прецизира дека забраната не важи за хуманитарни летови, како и за присилни слетувања и итни летови.