Освен единаесетте медицински лица од болницата во Куманово, позитивен на коронавирусот е и медицински техничар од Инфектината клиника во Скопје, информираше на денешната прес конференција, министерот за здравство, Венко Филипче.
“Во кумановската болница имаме 11 потврдени позитивни на коронавирусот. Оваа бројка во овој момент ја компромитира работата на инфективното одделение затоа што и претходно имаше еден здравствен работник диојагностициран.
Поради тоа упатени се двајца доктори, еден од Скопје и еден од болницата во Штип, кои ќе ја организираат работата на ова исклучително важно одделение во овој момент“, рече Филипче.
Тој рече дека се уште траат епидемиолошките анкети заради тоа што, како што рече, има повеќе позитивни лица од уште две одделенија за рендген дијагностика и во делот на општите лекари кои ја покриваат дежурната служба.
“Врз основа на тие епидемиолошки анкети, а согласно тоа колку лица ќе бидат во самоизолација ќе се реорганизира и останатиот дел од болницата, односно другите одделенија“, рече тој.
ПОВРЗАНИ ВЕСТИ
10 заболени со коронавирусот се со тешка клиничка слика
Вкупно 12 починати од корона вирусот во Македонија