И Вангелов, член на македонскиот дел од мешовитата Комисија со Бугарија се огради и ги осуди изјавите на Заев

Уште еден член на од македонскиот дел на мешовитата Комисија со Бугарија, Огнен Вангелов се огради и ги осуди изјавите на премиерот Зоран заев, дадени за бугарски медиум.

Тој се согласува со неговата колешка од Комисијата, Љубица Спасковска и на Фејсбук го пренесе нејзиниот статус:

“Како член на македонскиот дел од Комисијата, лично се оградувам и ги осудувам последните изјави на Премиерот и апелирам политичарите да се воздржуваат од тврдења и коментари со кои не се запознаени и не се од нивниот домен на познавања и експертиза.

Во цела западна историографија и во доменот на јавна историја терминот окупација е општоприфатен и за улогата на Бугарија во Втората Светска Војна доволно говори мировниот договор потпишан со сојузниците вклучително и со Македонија како дел од Југославија во 1947.”

ПОВРЗАНИ ВЕСТИ

„Се кладиме дека на крај ние ќе бидеме фашистите?!„: Заев на „тапет“ на Твитер по контраверзното интервју

Членот на македонскиот дел од мешовитата Комисија со Бугарија, Спасковска се огради и ги осуди изјавите на Заев

Заев: „Заменивме 20 табли на кои пишуваше бугарски фашистички окупатор – Бугарија не е фашизам, туку наш пријател“

Фото: Фејсбук/Вангелов