Меѓународната полициска организација Интерпол денеска предупреди дека меѓународната мрежа на организиран криминал може да се насочи кон новите вакцини против Ковид-19 и да се обиде да вметне во продажба лажни, фалсификувани вакцини.
Интерпол соопшти дека е издадено глобално предупредување во 194 земји-членки на оваа организација, со препорака да се подготват за таква можност и оперативно, на терен и на виртуелната мрежа.
Предупредувањето се однесува и на можни обиди преку глобалната интернет мрежа да се најдат понуди за лажни терапии кои можат да го загрозат здравјето и животот на луѓето.
МИА
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.