Градоначалникот на Општина Сарај, Блерим Беџити најави дека според ДУП на Општина Сарај, кај езерото Треска ќе се гради хотел, трговски центар, објекти за привремено сместување и простор предвиден за рекреација во износ од 200 милиони евра, кои треба да бидат изградени за три години.
„Блокот еден на површина од 31 хектар предвидено е да се намени за спорт и рекреација, во блок 2 на површина од 10 хектари ќе бидат изградени бунгалови со максимална височина од 10.20 метри, односно приземје, два ката и поткровје.
Во блокот 3 е предвидена изградба на хотели на површина од 8 хектари со максимална висина од 4.50/11.50 метри и максимален број на четири ката. Во блокот 4 предвидено е да се направат трговски објекти на површина од 1.1 хектари,“ изјави Беџити.
Водата од езерото ќе се чисти преку прочистителна филтер станица, а плажата ќе биде во должина од 30 метри.
Фото: Канал 5