На Никола Војминовски, осуден на 13 ипол години затвор за нападот на пратеникот Зијадин Села, судот денеска му одреди мерка „притвор“ откако не беше пронајден дома при извршениот надзор од полицијата.
Издадена е и наредба за распишување на интерна и меѓународна потерница.
„Во однос на повеќе новинарски прашања поврзани со обвинетиот Н.В. осуден со неправосилна пресуда во предметот со К.бр 1893/17, ја информираме јавноста дека надлежната полициска станица која врши надзор над спроведувањето на мерката куќен притвор која му е определена на обвинетиот со решение на судот во мај 2018 година, а продолжена до правосилноста на пресудата, во јули 2018 година, при изрекување на првостепената пресуда, а по предлог на надлежниот Јавен обвинител, го извести судот дека обвинетиот не се придржувал до определената мерка“, се наведува во соопштението на Основниот суд Скопје 1, отколку неколку медиуми ја објавија информацијата.
Покрај Војминовски, за нападот врз пратеникот Зијадин Села осудени се и Кире Ѓорѓиевски, Александар Јаневски – Тошта, Андреј Мицев, Николче Димитриевски, Оливер Ошавковски и Коста Делов.
Фото: Села/Фејсбук
ПОВРЗАНИ ВЕСТИ
Твитер за бегството на осудениот за напад на Села: „Биланс: 1 киднапиран 37 избегани 78 амнестирани“