еМагазин
Image default
Свет

Израел донесе закон кој овозможува откривање на имиња на лица кои не се вакцинирани

Израелскиот Парламент денеска му одобри на Министерството за здравство да им ги открива имињата на луѓето кои не биле вакцинирани против коронавирусот на другите тела на власта во земјата, предизвикувајќи критики за нарушување на приватноста на граѓаните кои не сакаат да се вакцинираат.

Законот, донесен со 30 гласа „за“ и 13 „против“, им дозволува на локалните власти, генералниот директор на Министерството за образование и на некои вработени во Министерството за социјални работи да ги дознаат имињата на овие лица, нивните адреси и телефонски броеви.

Одредбата, која ќе биде во сила три месеци или додека не заврши пандемијата, има за цел да им дозволи на властите да ги охрабрат луѓето да се вакцинираат обраќајќи им се лично, соопшти Парламентот.

Повеќе од три милиони луѓе во Израел веќе примиле две дози на вакцината на Фајзер и Бионтек, што е речиси една третина од околу девет милиони жители.

Затоа во неделата стапи во сила третото отворање од почетокот на пандемијата кога беа отворени трговски центри и улични продавници за сите граѓани.

Некои места сепак се отворени само за оние кои примиле и втора доза од вакцината или прележале Ковид-19 и имаат потврда за тоа.

Израелската Влада истакна дека целта е до април да се вакцинираат 6,2 милиони луѓе.

Од почетокот на пандемијата во Израел се регистрирани повеќе од 760.000 случаи на Ковид-19, а повеќе од 5.600 луѓе починале.

МИА

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Повеќе од 500 цивили убиени во Украина, бројките се веројатно значително повисоки, велат од ОН

Редакција

(Вознемирувачки видеа) Во Газа убиени 2.055 деца за неполни три недели

Редакција

СЗО: Потрагата по потеклото на пандемијата со Ковид-19 ќе трае со години

Редакција

📢 Важно известување

Оваа веб-страница претставува архива (стар сајт) и повеќе не се ажурира.
За најнови информации и содржини, посетете ја нашата нова официјална страница:


👉 Посети ја новата страница