Министерството за надворешни работи денеска информираше дека ќе упати писмо до Европскиот парламент во кое ќе информира за недоличното и навредливо однесување на бугарскиот европратеник, Александар Јорданов на социјалните мрежи.
Имено, Јорданов, вчера, на чествувањето на 151-годишнината од раѓањето на Гоце Делчев, на неговиот Фејсбук-профил изнесе серија навреди кон Македонија и македонскиот народ, нарекувајќи не „црвени ѓубриња“, „титоисти“, „србомански измет“ и „одродени Бугари“.
Меѓудругото, тој порачува и дека за Македонија нема место во Европската Унија.
Јорданов е поранешен амбасадор во Македонија.
ПОВРЗАНИ ВЕСТИ
Видео од инцидентот на Бугарите со полицајците на Деве Баир
(Видео) Бугарски пратеник се обиде да исценира инцидент на Деве Баир
Фото: Фејсбук/Јорданов