Камчев останува во Шутка: Судот му одреди 30 нови дена притвор

Основниот кривичен суд денеска му одреди нови 30 дена притвор на бизнисменот Јордан Камчев за случајот „Плацеви на Водно“.

„Заради интерес на медиумите кои ја следат работата на судот, ја информираме јавноста дека Кривичниот совет при Основниот кривичен суд Скопје, постапувајќи по предлогот на Основното јавно обвинителство за гонење организиран криминал и корупција за продолжување на мерката притвор за Ј.К., донесе решени со кое сè уште постојат околностите од член 165 ст.1 т.1 од ЗКП и го прифати предлогот на обвинителството со што ја породолжи мерката притвор за 30 дена“, соопштија од Основниот кривичен суд.

Камчев е во притвор од 14 март, кога беше приведен поради опасност од бегство.

ПОВРЗАНИ ВЕСТИ

Одбраната на Камчев смета дека доказите против него се прибирани на незаконит начин

За што се работи во предметот „Плацеви на Водно“ во кој се води истрага за Груевски, Мијалков и Камчев

Фото: МИА